Robert Dadaglo nɔ Unamab harukusu taagɔ. Bɔrɔ taagɔ ka a ba cin goosikpɛyo haciyo fansa ma nɔ Marc Robert Dadaglo. Bɔkɔi wɔ jibiri sinte nɔ, igbɛ dinzeyo na kumma, Kutɔnu goosi fu beeri kuna, ka tɛtɛ biri. Deya, tɛtɛ hɛnɛ bɔrɔ weidu cini gu ya na tɛtɛ biri goosikpɛ Dadaglo sɛ. Bɔrɔ hinza ya dom harukusutɛrɛ di ceeji. Za alaruba zenɔ, Unamab harukusu taagɔ di nna a banna boroo sinti gbei. Dadaglo banna bɔrɔ sinte ma nɔ Issoudine Ibrahim. Gossikpɛyo ka nn ba cin kalam kɔtɔyo ma nɔ Célestin Kponou nna Roland Agossou. Union nationale des magistrats du Bénin (Unamab) bara nɔ igbɛ beeri ka aa goosikpɛyo haciyo fansa Benɛɛ ganna kuna. Unamab harukusu zenɔ ma nɔ Michel Adjaka. Robert Marc Dadagloo gbei tɛ nɔ Kutɔnu goosi fu beeri ka n’cɛ Cour d’Appel de Cotonou. AATA (ISSIC-BÉNIN). Vendredi 09 mars 2018 Le Matinal/Dendi.