Gilbert Togbonon ci bɔrɔ wuiyo nna taŋarikpɛ ma lakari. Gilbert Togbonon, Kutɔnu goosi fu beeri harukusu, na mɛcinɛ za bifɔ alaruba, Kutɔnu kuna. Aa ci ka de n na kammɛ dam boroo ka nn cin ko boroo wuiyo ga, n ba goosu nn sɛ nɔ ka nn dam sarka. Sarka di nɔ nn binɛ ba gɔrɔ hali buyo ma ka ka nn za. A yara ko cibayo ka boroo ka nn cin ko boroo wo ko taŋari tɛ nna boroo ma Facebuku ɔu Wazapu bɔŋɔyo bɔŋɔ ba hini ka kpee sarka. Domi, za jiiri 2015, asariyayo gono ka nn boroo ka nn na taaliyo di dimi tɛyo haŋayo cenni. Deya, Gilbert Togbonon ci bɔrɔ kulu ma nam ka lakari na hɛyo ka nn cin ko ci ɔu hantum ko samma nn kpaasiyo sɛ. Jibiri hinkayo bɔrɔ wui wuiyo mutu ka ba Benɛɛ ganna kuna. AATA, ISSIC-BÉNIN. Vendredi 23 mars 2018 Le Matinal/Dendi.