Faransi ba Benɛɛ ganna ga lokotoro beeri fɔ ciniyo. Euro zɔn fɔ nna weiyye cini gu nɔ Faransi ganna ba Benɛɛ gɔrɔ am duwa ka lokotoro fu beeri fɔ cini Abomey Kalavi kpaara kuna. Bature handu hinzantɛ wɔ ŋmɛnɛ jibiri guntɛ hɛnɛ nɔ Faransi gannakpɛ Emmanuel Macron na alkawali di za Patrice Talon mɔɔjinɛ. Liteni hɛnɛ di Emmanuel Macron hini ka Patrice Talon yotɛrɛ ta, Faransi gannakpɛyo gbeidɔ ka n’cɛ Palais de l’Elysée. A banna, Faransi ba kammɛ dam Benɛɛ gominanti sɛ, am duwa ka Ganvié kpaara di hinsa ka boriyani ka boori. Saa ka Talon ka kpeitɛrɛ itaagɔ a dom na tila hantum ka samma Faransi gannakpɛ sɛ, am duwa ka Benɛɛ taada hɛyo yeti a sɛ. Hanu di hɛnɛ, Emmanuel Macron ci ka a na igbɛ fɔ disi ka a gonno ko gbei hɛyo di ma duwa ka yei Benɛɛ ganna nɛ ka kpee jiiri hinka. Faransi ganna ba yara ka kammɛ dam Benɛɛ sɛ, am duwa ka kpee Faransi cinɛ mɔɔjinɛ. Emmanuel Macron yara ka alkawali za ka a ba ka Benɛɛ, am duka zummu za kpeitɛrɛ bɔŋɔ. Ka Patrice Talon na Mɛcinɛ za, a na gannakpɛ Macron fɔ. AATA et NS (ISSIC-BÉNIN).Vendredi 09 mars 2018 Le Matinal/Dendi.