Real Madrid na PSG ŋmaa ahinka nna afɔ. Jinde turani hinka nɔ Real Madrid dam PSG sɛ atalata zenɔ, Paris kpaara baalɔn kariyo dɔ beeri ka n’cɛ Parc des Princes. Ce hinkantɛ kubeyo wɔ hɛnɛ, n ba bei safu ka a Champions League garasa di kɔkɔi. Deya, hanu di Real Madrid hini ka PSG safu ŋmaa. Real barakari Christiano Ronaldo ya na jinde turaniyo sinte dam miniti weigu cini fɔ banna. Miniti waaku banna nɔ Casemiro, Real bakari fɔ ŋmaani fɔ ya na jinde turani hinkantɛ di dam. PSG safu dɔ kammɛ barakari Edison Cavani fɔlɔŋku ya hini ka jinde fɔ turani. Real Madrid bara nɔ Espagne ganna baalɔn kariyo igbɛ fɔ nna PSG bara Faransi safu beeri fɔ. AATA (ISSIC-BÉNIN). Vendredi 09 mars 2018 Le Matinal/Départ.