Japɔnto ɔ na hun kponɔ zocitɔ Benɛn tɔn lɛ. Mɛɖaxo Kiyofumi Konishi ee nyi afɔsɔɖotetɔ Japɔnto tɔn ɖo to mitɔn mɛ e kpodo agbasagan ganhɔnyitɔ ee kpacɛ do to tɛntin xo wu e, Ourou Baro Mora kpan d’alɔ wema mɛ do taatagbe azan watongɔɔ sun elɔ tɔn. Akwɛ dibla yi livi kanwe wo nu e na xɔ hun na nu zocixwe Benɛnto ɔ tɔn. Nuwa dokpɔ e ɖo Benɛn kpodo Japɔnto ɔ kpo tɛntin e sin daxwi mɛ wɛ Japon to w’alɔgɔ nu kponɔ zocitɔ to mitɔn mɛ tɔn lɛ. Ahwangan kannɔ Fructueux Gbaguidi kpodo gan ee kpacɛ do kponɔ zocitɔ lɛ nu e, mɛɖaxo Gildas N’dah Sékou kpan nɔ nuwiwa nɛ ee e blo ɖo Kutɔnu e tɛn mɛ. Mɛɖaxo Gildas N’dah Sékou yi xo bo do ku nu Japɔnto ɔ n’alɔgɔ ee wa nu Benɛnto wɛ e ɖe sin xwe wo ɖie e. Mɛɖaxo Kiyofumi Konishi do zogbeji ɖɔ e ɖo xwe tɛnwe blo wɛ bɔ ayikungban dan wu ɖo Japɔnto ɔ mɛ dɔn bɔ gbɛtɔ gege nyi matiintɔ ; na do flin awe nɛ e xo ye e sin daxwi mɛ wɛ e sɔ nunamɛ mɔnhun ɖ’ayi. Mɔ ɖokpo ɔ, mɛɖaxo ɔ tinmɛ ɖɔ e na na zoci hun tɛnwe kponɔ zocitɔ lɛ ɖ’alɔ do wema nɛ gblamɛ nu ye na sixu zan ɖ’azɔ yetɔn sin alinu. Mɛɖaxo Ourou Baro Mora ka lɛ flin ɖɔ xwe Japɔnto ɔ ko na mɔnto kpod’alian gege kpo Benɛnto ɔ xwe tɛnwe ɖie. E do ku nu Japɔnto ɔ bo na ganjɛwu afɔsɔɖotetɔ ɔ ɖ’azɔwanu nɛ lɛ na nyi zizan do ɖagbeji bɔ nuwa dokpɔ e ɖo Benɛnto kpodo Japɔnto ɔ kpo tɛntin e na lɛ lido. PS et DJ (ISSIC-BÉNIN). Vendredi 16 mars 2018 Le Matinal/Fongbé.