Asariya goobu ba gominanti gbeiteriyo ka nn ba gɔrɔ fuyo kari. « Gominanti gbeiteri ka a su ba kpe gbei tɛ kulu bara nɔ zanna wɔkayo nn na gbei nam nna binɛ baa ». Bifɔ alaruba hɛnɛ nɔ kpeikpaasi Joseph Djogbenou na zama tɔyani labari di. Aa cibayo a mɛcinɛ kuna ka wooda ka a lamba bara 2001-09 ka n za za jiiri 2002 handu iduntɛ jibiri waranka cini fɔntɛ hɛnɛ ya ci ka de gominanti gbeiteriyo na gbei nam a hima nɔ nn ma gɔrɔ ka sawara nna gominanti. Saadi de nn sawara nna nn na ma cɛrɛ sɛ, a hima nɔ gbeiteriyo ma ci gominanti sɛ ka yara ka duka gbei nam. Domi, de gbeiteriyo na asariyayo di taamu, gominanti ba hini ka nn haŋayo cenni. Handu hinza nna ka gominanti gbeiteriyo binɛɛ sarayo nna gominanti. Hɛi ka a nam gbeiteriyo di binɛ mutu ko sarayo nɔ, nɔruyo ka gominanti kaa za gominanti gbeiteriyo handu buyo nɔru kuna. Moussiliath AMADOU (ISSIC-BÉNIN).Vendredi 02 mars 2018 Le Matinal/Dendi.