Kparaku zemijanyo tutu mɛɛri wooda sɛ. Kparaku mɛɛri wood ka aa zemijanyo gbei hinsa ba sinti gbei, atalata taagɔ. A ganna nɔ Kparaku mɛɛru kube nna Kparaku zemijanyo Kparaku mɛɛri kummayo bugu beeri aruzuma zenɔ. Kummayo di banna. Kparaku zemijan ka beeni ka tutu mɛɛri ŋmɛnɛ wooda sɛ. Za Kparaku mɛɛri kummayo dɔ beeri di nɔ mɛɛru Charles Toko na labari sei. Hanu di hɛnɛ, mɛɛru Toko fasara a kpaara kpokpo maarikpɛyo di sɛ anfaniyo ka nn gono wooda taagɔ di kuna. Charles Toko ci ka wooda di ba nam zeitɛrɛ ma zobu, zemijan kpokpo kɔmyo ma zobu. A yara ka fasara nn sɛ ka wooda di ba nam kpokpo maarikpɛyo ma gonna lokotoro tila ka a ba nam nn ma cin ka nn baabu lokotoro gbeidɔyo kuna. A ci ka de zemijan na hini bɔŋɔ sariti tɛ, gbeidɔ ka aa kulayo nna nn lakari kanniyo senni ya ba cin kpee nna ara lokotoro marigantɛ nna wɔka aa zayo banna. Iri noo hɔŋani ka handu hinza na ka mɛɛru Charles Toko na wooda di za, am duwa ka Kparaku zemijanyo gbei nɔ bɛɛrɛ. AATA (ISSIC-BÉNIN).Vendredi 02 mars 2018 Le Matinal/Dendi.