Benɛɛ wooda nya na a jiiri 28 hanu ŋmaa, bifɔ. Bature handu hinkantɛ ka a bisa wɔ ŋmɛnɛ jibiri waranka cini iyyaakuntɛ hɛnɛ nɔ Benɛ ganna na a wooda nya jiiri waranza ahinka si hɛyɔ ɳanu ŋmaa.Wooda di ma no Constituttion de 1990.Wooda nya di ya nam benɛhinzeyo ma cin hini ka seni tɛ mɛtɛka nn ba.Kpɛnɛ, a nam Benɛ cim garasa siriyani gannakpɛ nna ganna diya zayo kuna.Domi 1972 saa ka Kerekou na kpeitɛrɛ taa nna gaabi Hubert Maga dɔ, bɔrɔ dom su hini ka seni tɛ mɛtɛka nn binɛ ba.Nyadi gana non, nn na kumayo beeri di tɛ Demokrasi gana.Iri no hɔŋani ka siko Mathieu Kerekou gannakpɛ tɛrɛ nanyo revolution waati ya nam ganna harukusuyo na "Conférence nationale des Forces Vives de la Nation tɛ 28 février 1990".Saayo di Nicephore Soglo ya na ganna cɛrima jiiri fɔ andu ka Demokrasi tɛtɛ sinte ŋmaa 1991.A bana no Kerekou yei kitɛ jiiri wei ka tita nam Boni Yayi sɛ 2006.Ama; zaa 2016, mansa gannakpɛ, Patrice Talon ya na kpeitɛrɛ taa Boni Yayi dɔ.Zaa Demokrasi sintiyo, gannakpɛ taaci tɛ ya gɔrɔ kpeitɛrɛ Benɛ. Clément et le Phénix (ISSIC-BÉNIN).Vendredi 02 mars 2018 Le Matinal/Dendi .