Gominanti gbeiteri 34 gonna dibi dibi tilayo. Igbɛ ka n’cɛ Commission nationale de vérification de l’authenticité diplômes na boroo ka nn gonna dibi dibi tilayo mayo ka batuma. Aluruba zenɔ nɔ Kpeikpaasi Joseph Djogbenou na zama tɔyani labari di. Aa cibayo ka tila 8368 nɔ gominanti samma Cnvad igbɛ di sɛ am duwa ka di dee tilayo ka a bɔŋɔ gominanti na nn zayo kulu gɛyo, de nn na bara dibi dibi tilayo. Tila weitaaci sinte ka Cnvad fatiyo di kuna gbeiteri waranza cini taaci ya bara dibi dibi tilayo. Bɔrɔ idu ciniyoo cini ko huŋu ka nn tilayo na bara dibidibi ŋmɛnɛyo. Djogbenou cibayo kpɛnɛ ka bɔrɔ wei fɔ ŋmaani fɔyo mɔ na kpee igbɛ di ma duwa ka nn han. Kɔkɔrɔ banna, igbɛ di na gafara ŋmaarɛ Adolphe Dossou Agnikpe ga. Domi, n dom na a bɔŋɔ kabu boroo ka n gona dibi dibi tilayo. Amma, ceejiyo kuna, n duwa ka bei ka a tilayo gɛiyo. Cnvad cini ko ceejiyo tɛ. Gannakpɛ na kpeikpaasi ka a kulayo nna goosi senni nna wɔka a kulayo nna nɔru senni ma nam asariya goobu ma gbeiteriyo di kari. Moussiliath AMADOU (ISSIC-BÉNIN)-Vendredi 02 mars 2018 Le Matinal/Dendi.