Bmp gannadiyayo na mɛcinɛ za, atalata zenɔ. Bloc de la majorité parlementaire (Bmp) igbɛ ŋmɛnɛ depiteyo mɛcinɛ za atalata zenɔ, Kutɔnu kuna. Bmp bara nɔ igbɛ fɔ ka a boroo cɛyo gannakpɛ Patrice Talon banna. Nn mɛcinɛ sinte kuna, nn cibayo ka nn sɔɔruu niniyo nn ma duwa ka tɛtɛ biri, depite nna kpeikpaasiyo ka a sɛ n ba n ma goosuyo ma duwa ka kpee goosikpɛyo ma nn han senni. Gannadiya, Orden Alladatin cibayo ka senni di kuna gominanti na Benɛɛ wooda nya beeri asariyayo ganna nɔ deidei. Gannadiya di yara ko cibayo a na ci gominanti hamkpayo fɔlɔŋku sɛ nɔ n ba goosu, domi boroo gono gan n cɛyo gominanti banna nna ya binɛ nn gono wɔyo ka a sɛ n ba goosuyo kuna. Hanu di gannadiya Gerard Gbénonci bɔŋɔ na mɛcinɛ za. A ci, cimi nɔ hali hɔn depteyo mɔ na Cos–lépi boroo disi jina; amma, taali si. Louis Vlavonu ya na mɛcinɛ za kɔkɔrɔ banna. A ci cimi nɔ gominanti gbeiteriyo gonna gbei namyo haci, amman n ma suuru ka di Benɛɛnzeyo sisibi ka yei gbei. AATA (ISSIC-BÉNIN). Vendredi 02 mars 2018 Le Matinal/Dendi.