Afrika gannayo kumayo waranzatɛ Éthiopie. Afrika ganna harukusuyo na gbei tutuma tɛ Addis-Abeba, Ethiopie ganna, za asibi ka ka litɛni zenɔ. Nna Afrika mɔɔjinɛkpeyo senni tɛ. A ganna, Guinée ganna kpɛ Alpha Condé ci a hima Afrika gannayo ma sinti ko gu bɔŋɔɔ nɔru lo tenku hini ga. Harukusuyo dii ba nn ma bɔŋɔdɔ lɛlɛ kamyo dɔ gbeidɔ beeri fɔ disi Afrika kuna. Gbeidɔ di ba nam nɔ Afrika gannayo ma hunu za igbɛ ka n’cɛ ‘’Aviation civile’’ kuna. Senni di kuna, ganna waranka cini hinza ya tutu ci fɔ. Nigeria gannakpɛ, Muhammadu Buhari ci ka nɔru zeitɛrɛ gono ko Afrika ganna tutuuma ci kɔɔnu. A mɛcinɛ zaayo kuna, Patrice Talon ci ka a binɛ yeiyo nna mɛfɔ ka a gono ‘’Union Africaine’’ gannayo binni kuna. A yara ka igbɛ di gbeiyo saabu. Jibiri hinzayo di gbeiyo sakaani, nn na Paul Kagamé dam Alfa Condé gɔrɔdɔ igbɛ di harukusu tɛrɛ dɔ. Jiiri 2019 misira gannakpɛ Abdel Fatar Al Sisi ya ba Ua harukusutɛrɛ ta. Union Africaine bara nɔ igbɛ beeri ka aa Afrika gannayo kumma jiiri kulu. Ganna weigu cini gu ya gono igbɛ di kuna. Abdou-Aziz TEGNAMI ABDOULAYE (ISSIC-BÉNIN). Vendredi 02 février 2018 Le matinal/Dendi