Janvier Donhouahoué sin yiyi na ɖ’azɔ ɖe te a. Sɛ ɖo zan nu ɖɛmɛnu Janvier Donhouahoué sibigbe e wa yi e, lobɛ zinkpo tɔn jɛ vɔ ɖo ɖɛmɛnu gbasa. Xɔɖɔnuwɛkɛtɛn Océan Fm tɔn sɛya gan e kpacɛ n’azɔwiwa yaɖe yaɖe ɖo ɖɛmɛnu gbasa e, mɛɖaxo Isaac Fayomi lobo kanbyɛ ɖɔ fi gosin ɖɛmɛnu ɔ tɔn hɛn ɔ e na ɖɔn azɔwiwa lɛ do gudo ɖo ɖɛmɛnu lɛ agbasa a ji. Mɛɖaxo ɔ tinmɛ ɖ’aɖo huhu kun ɖemɛ o, ɖɛmɛnu kanwe nukun we e kpo lɛ na w’azɔ ɔ lee e jɛxa gbɔn e. Mɛɖaxo Isaac Fayomi tinmɛ ɖɔ mi mɛ gosin ɖɛmɛnu Janvier Donhouahoué tɔn zɔn bɔ zinkpo ɖokpo jɛ vɔ ɖo ɖɛmɛnu gbasa Benɛto ɔ tɔn. Xo ɖeɖovo wɛ nyi ɖo mɛ ɖebu sɔ sixu ɖo tɛn maxo ɔ tɔn na nɔ wɛ a. Nu ci mɔ ɖo ɖɛmɛnu Bahoun Michel tɛnmɛ wɛ mɛɖaxo ɖe ɖo hwenu ee e sɔɛ tokpɔnlagan ɖ’Akprɔ Misrete e. Sɛn ɖɛmɛnu gbasa ɔ tɔn lɛ mɛ ɔ, mɛ ɖokpo ee ɖɛmɛnu ɖe sɔ bɛ na nɔ ɖo tɔn mɛ e ɖokponɔ wɛ ɖ’acɛ ba y’azɔ nu e sɔ ɖɛmɛnu nɛ ɔ ɖ’azinkpo ɖevo ji. Tɛn nɛ ɔ mɛ wɛ ɖɛmɛnu e nyi matin tɔ e ɖe. Ɖɛmɛnu kanwe nukun we e kpo lɛ wɛ ɖ’azɔ na wa wɛ nu hwenu kpɛ e kpo nu ye e lee jɛxa gbɔn e. Mɔ ɖokpo ɔ, gbɛta Prd tɔn e mɛɖaxo ɔ ɖe e sin azɔwiwa lɛ na yi linsin linsin. Mɛɖaxo Isaac Fayomi wa flin ɖɔ ɖɛmɛnu Janvier Donhouahoué ɔ lɛ ɖo gbɛta e nɔ gbeje sɛn lɛ cobɔ ɖɛmɛnu lɛ nɔ d’alɔ mɛ e. Loɔ, e kun ɖo gan tɛn mɛ ɖo gbɛta ɔ mɛ o gbɛvi kpowun wɛ nyi. E wa jɛ do tɔn ɔ ɖo gbɛta nɛ ɔ mɛ ɔ, e hɛn ɔ e na sɔ mɛ ɖokpo ɖo tɛn tɔn mɛ. Tokpɔnla Avlanku, Bonu, Akprɔ-Misrete kpo ɖevo ɖevo lɛ sin tovi wɛ sɛ mɛɖaxo ɔ ɖɛmɛnu gbasa ɔ gbɔn. Sibigbe azan ko atɔɔn nukun we gɔɔ alunsun xwe e mɛ mi ɖe ɔ tɔn wɛ mɛɖaxo ɔ nyi matiintɔ ɖo Xɔgbonu. Anif, Stellia, Ariane et Joanita (ISSIC-BÉNIN). Vendredi 02 février 2018 Le Matinal/Fongbé