Benɛɛ jiiri wɔ haabu tɔnnu ba bisa manam ŋmɛnɛ. Gaston Dossouhui, kpeikpaasi ka aa kulayo nna farimi nna faatosi senni Benɛɛ ganna kuna ya kpe, Kutɔnu pɔɔ kuna, saa ka n kanna haabu safariyo tɔnnu zɔn idu, ka haabu farikpɛyo ba loo jiiri wɔ. Hanu di hɛnɛɛ, kpeikpaasi di bɔŋɔɔ mɔɔjinɛ nɔ n na haabu safariyo di dam leedayo kuna. A ci ka jiiri wɔ, lɛlɛ maarikpɛ ka nn cin kanna haabu kureyo ba haabu di cɛrɛ nɔ za gaŋiyo kuna hali Kutɔnu pɔɔ kuna; saasi nn ma yara ka haabu safariyo cɛrɛ za pɔɔ kuna ka kpee nna harufariyo sɛ. Deya, jiiri wɔ anfaniyo baa. Kpeikpaasi di mɛcinɛ zayo kuna, a na Sodeco gbeidɔ fɔ nna gbei. Kɔkɔrɔ banna, aa ci ka jiiri wɔ haabu tɔnnu ba bisa manam ŋmɛnɛ. Manam, haabu tɔnnu zɔn taaci nna weigu cin fɔ nɔ harufariyo hini ka tɔ. Faradj ALI YAROU (ISSIC-BÉNIN). Vendredi 09 février 2018 Le Matinal/Dendi.