Hwɛɖɔtɔ lɛ ɖo nu azɔfɔkɔnyanyi yetɔn nu. Kplekplemɛ e nɔ jɛhun ɖo hwɛɖɔtɔ lɛ tamɛ bɛ ylɔ ɖɔ Union national des magistrats du Bénin (Unamab) ɖo zojagegbe mɛ e ″o nu azɔfɔkɔnyanyi tɔn nu. Kple ee gbɛta nɛ ɔ blo taatagbe azan gban gɔɔ alunsun xwe ee mɛ mi ɖe ɔ tɔn domɛ wɛ ye sɔ gbetakɛn taji nɛ ɔ ɖe ɖo gbetakɛn yaɖe yaɖe ɖevo lɛ mɛ. Ye wlan wema ɖokpo sɛ do ganhɔnyitɔ ee nɔ kpacɛ nu hwɛɖiɖɔ xo wu e mɛɖaxo Joseph Djogbénou, lobo Unamab gan ɔ, Michel Adjaka wɛ d’alɔ wema nɛ ɔ mɛ. Ye tinmɛ ɖo wema nɛ ɔ mɛ ɖɔ ye ɖo nu azɔfɔkɔnyanyi yetɔn nu bɛ ehɔnmɛ axɔsuzangbe azan we gɔɔ zofinkplɔsun xwe ee mɛ mi ɖe ɔ tɔn. Unamab gbɛta ɔ ɖo tintinmɛ wɛ ɖɔ nu acɛkpikpa ɔ ɖe azan na bi ee ye f’azɔkɔnyanyi na e sin suzan fo kwɛ yetɔn mɛ ɔ, ye na lɛ f’azɔkɔnyanyi. Mi na flin mi ɖɔ sin azan ɛnɛ gɔɔ alunsun xwe e mɛ mi ɖe ɔ tɔn wɛ ye bɛ azɔfɔkɔnyanyi nuwiwa nɛ ɔ. Janvier Gbedo, Stellia, Alvine, Ariane, Stéphane et Marceline (ISSIC-BÉNIN). Vendredi 02 février 2018 Le Matinal/Fongbé