Barakari tuutuma na baalɔn safu baaru, jiiri wɔ Mercato kuna. Gabon barakari, Pierre Aubameyang hunu za Dortmund ka kpee Arsenal baalɔn igbɛ zaa bi, alamisi. Milia waranka cini hinka nɔ Arsenal igbɛ banna am duwa ka yei nn dɔ. Islam Slimani hunu za Leicester ka kpee Newcastle. Slimani ba handu idu tɛ Newcastle. Bresil barakari Lucas Moura yei Tottenham. Psg nɔ a dom gono. Jiri gu nɔ a ba tɛ Tottenham. Julan hunu Hawle ka ye Guingamp. Alan Dzabana kpee Havre. Christiano Ronaldo nna Lionel Messi cinni ka gonna Real Madrid nna Barcelone. Mercato bara nɔ wakati ka barakariyo cin ko igbɛyo baru League des Champions. Zaa bature handu sinte jibri sinte zenɔ nɔ nn sinti Mercato. Iri noo hɔŋani ka, hinazɔbuyo bana, Champions League ba sinti nɛ ka kpee bɔkɔi hinka. Abdou-Aziz TEGNAMI et Clément GANDONOU (ISSIC-BÉNIN). Vendredi 02 février 2018 Le Matinal/Dendi