Real Madrid ba kube nna Psg, alaruba taagɔ. Bature gannayo jiiri wɔ baalɔn kariyo garaza beeri ka n’cɛ Champions League ba sinti bɔkɔi taagɔ ŋmɛnɛ atalata hɛnɛ. Hanu di ciini kuna nɔ garaza di ba sinti. Baalɔn igbɛ wei cini idu ya ba sinti garaza di. Igbɛyo di mayo nɔ: Juventus, Tottenham, Bale, Man city, Porto, Liverpool, Chelsea, Barcelone, Paris Saint Germain (Psg), Besisktas, Bayern de Munich, Chkhtior Dontsk, As Rome, Fc Séville , Manchester City nna Manchester United. Atalata di hɛnɛ, Juventus nna Tottenham nɔ safu sinteyo ka nn ba sinti baalɔ garaza di. Alaruba hɛnɛ nɔ Real Madrid nna PSG ba kube Madrid kpaara kuna. Jibiri idu saakani nɔ nn ba baalɔn di kari. Champions league garaza weidu cini hinzantɛ nɔ nn ba ka kari jiiri wɔ. Domi, zaa jiiri 1955 nɔ n na garaza di siriyani. Abdou-Aziz TEGNAMI (ISSIC-BÉNIN). vendredi 09 février 2018 Le Matinal/Dendi.