Kpasa, Gah nna Kikanzeyo ba duwa hari gɛyantɛ ka ham, Kparaku. Kpeikpaasi ka aa kulayo nna hari senni, Samu Seidu Adambi, ya na zama labari tɔyani labari di, bɔkɔi zenɔ ŋmɛnɛ asibi hɛnɛ, za Kparaku kummayo dɔ beeri ka n’cɛ Place Biɔ Gɛra. Aa cibayo ka milia wei cini iga nɔ gominanti dam gbeidɔyo ka n’cɛ Sogea Satom nna Cgc kammɛ kuna nn ma duwa ka gbei jina ka a ba nam n ma hini ka hari gɛyantɛ cenni za Okpara hari zure beeri dɔ, Kparakunze tuutuma wahalayo ma duwa ka zobu hari duri dɔ kammɛ. Domi, a ci ka hali mansa, Kpasa, Kika nna Gah faraniyo kuna, boroo cini ko hari ziibɔ ham. Hanu di hɛnɛ, Charles Toko, Djibril Mama Cisse, Rachidi Gbadamassi nna Adam Bagudu ka nn kpee bara Kparaku harukusuyo kula ceeyo ya kube bini di. Emmanuel HEDJLOGUE et Abdou-Aziz TEGNAMI (ISSIC-BÉNIN). Vendredi 02 février 2018 Le Matinal/Dendi