Kparaku mɛɛri gbeiteriyo ba cin bɔrɔbi jinayo dam litɛni nna alzumayo. Kparaku mɛɛru, Charles Toko ci ka mɛɛri gbeiteriyo hima nɔ, nn ma cin bɔrɔbi jinayo dam, litɛni nna alzuma hɛnɛyo. Litɛni zenɔ nɔ, saa ka nn na tuuta fɔ ka beeni nɔ, mɛɛru di na labari di tɔyani Kparaku mɛɛri gbeiteriyo sɛ. Mɛɛruu cibayo ka asariya di ba am bɔrɔbi jina ma jirima tɛ. Amma, atalata, alaruba nna alamisi hɛnɛyo, gbeiteriyo di ba hini ka jina ka nn ba dam, ba bature ganna jinayo. Iri noo hɔŋani ka handu zenɔ, Charles Toko ci ka de Kparaku gbeiteriyo gona deweniya, tubani, wasa-wasa, sɔkura, waace ya hima nn ma cin ŋmaa. Le Phénix (ISSIC-BÉNIN). Vendredi 23 février 2018 Le Matinal/Dendi