Togan Patrice Talon na yi Franseto mɛ. Togan Patrice Talon na yi togan Franse tɔn mɛɖaxo Emmanuel Macron gɔn ɖ’azan ayizɛngɔɔ xwejisun ee ɖo nukɔn jawe ɔ tɔn mɛ. Wegbojinɔtɔ Franse tɔn e nɔ ɖɔ nu do to gudo xo wu e, mɛɖaxo Jean Baptiste Lemoyne, wɛ hɛn wɛn nɛ wa ɖo togan Bɛnɛn tɔn ɖ’azan afɔtɔn nukun ɖokpo gɔɔ sun e mɛ mi ɖe e tɔn mɛ. Mi ka na tun dɔ togan we lɛ ɖo ko na ko mɔ yeɖe ɖo kɔnyasun xwe ee mi do gudo ɔ tɔn, loɔ, e sin nu jan mɛ ɖe lɛ wu bɔ kple nɛ ɔ sɔ nɔ ji a. Mɛɖaxo Lemoyne wa tinmɛ ɖɔ ɖokpe gayɛnu tɔn ɔ kun na gbla o. Mɛɖaxo o Lemoyne lɛ wa kɛnu do jlo ɖagbe, linlin ɖagbe e ɖ’ayi na do sixu na ganjɛwu hwɛndomɛ nu mi tɔn lɛ e. Ganhɔnyitɔ Bɛnɛn tɔn ee nɔ ɖɔ nu do to gudo xo wu e, Aurélien Agbénonci, yi xo bo do zogbeji ɖɔ malin malin din ɔ, azɔ lɛ na na nukunmɛ vo lobɔ sinsin ɖagbe kɛɖɛ na bɔ dewu. Mɛɖaxo ɔ wa tɛɖɛji ɖɔ cica e ɖo to we lɛ tɛntin e kun gɔn sinsin ɖagbe na gbeɖe o. DJ, PS, AA et GJ (ISSIC-BÉNIN). Vendredi 23 février 2018 Le Matinal/Fongbé