Thomas Ouinsou na yi hwɛ nukɔn sun elɔ sin fifo nu. Gan ee kpacɛ ɖo mimamɛ Glo-Jigbe tɔn nu ɔ, mɛɖaxo Thomas Ouinsou, ɖ’aɖu dɔn gbɔn gan wu wɛ ɖo gankpa ɖaxo Kalavi tɔn mɛ. Gan hwɛɖɔtɔ ɖaxo Kalavi tɔn ɔ, wɛ sɔ gbeta nɛ ɔ lobo ɖo hwɛ nu mɛɖaxo ɔ ɖo e jɛ do nu togan Patrice Talon. Mɛɖaxo Anselme Assimada wɛ sɔ yɛ ɖokpo nyi to ɔ ji lobo yɛ ɔ mɛ e ɖo byɔ tovi Glo-Jigbe tɔn nu ye na hunhun n’ɖɔ ɖ’akwɛ ee e jlo na xɔ ayikungban ee ɖo fie e jlo na gba jɔmɛhunjayitɛn ɖo e wu. Ee e ɖ’alɔ mɛɖaxo ɔ ji e, wa tinmɛ ɖɔ mɛɖaxo Thomas Ouinsou na kwɛ emi nu emi ni zan walɔ nɛ ɔ, bo nu acɛkpikpa ni d’akwɛ ee e jlo na sun ye e ji. Mimamɛ Glo-Jigbe tɔn gan ɔ gbɛ ɖɔ emi kun ɖo nu ɖo nɛ mɛ o. Gan hwɛɖɔtɔ ɖaxo Kalavi tɔn sɔ hwɛ ɖiɖɔ zan mɛɖaxo Thomas Ouinsou tɔn ɖ’azan gban e hwe we gɔɔ sun ee mɛ mi ɖe ɔ tɔn. Stellia, Alvine et Ariane (ISSIC-BÉNIN). Vendredi 02 février 2018 Le Matinal/Fongbé