Akpaxwe nukɔntɔn ajɔ bɔl’afɔsɔxo gbɛta Afrika tɔn. Bɔl’afɔsɔxo gbɛta ee ylɔ ɖɔ Buffle FC e yi Ganato ɔ mɛ, bo i yi nukplɔnmɛ do nukplɔnmɛ ji. Enɛ ɔ gudo ɔ, ye wa bɛ nusisɔ gudo gudo tɔn bɔlu ee ye jlo na xo xa bɔl’afɔsɔxo gbɛta Asec Mimosa tɔn ɖ’akpaxwe nukɔntɔn ajɔ ee nɔ xo bɔl’afɔsɔxo gbɛta Afrika gbeji tɔn lɛ kple e. Nusisɔ nɛ ɔ na tiin gbe ɖ’azan wo ɖokpo gɔɔ zofinkplɔsun xwe emɛ miɖe ɔ tɔn ɖo bɔluxotɛn Kuhunu tɔn. Nukplɔnmɛtɔ, bɔl’afɔsɔxo gbɛta Buffle FC tɔn, mɛɖaxo Idrissou Moutari, d’akpa lobo ɖɔ emi na tɛnkpɔn lobɔ ɖee ye xo ye j’ayi gbɔn ɖo Ganato mɛ e, e kun sɔ ɖo mɔ na ci wɛ o, ɖo Asec Mimosa, Abijan sin bɔl’afɔsɔxo gbɛta ɔ kun jawe Kutɔnu bo na wa xo ye o. Loɔ, bɔl’afɔsɔxo gbɛta Benɛto ɔ jlɛ nu ɖagbe ɖelɛ ɖo bɔl’afɔsɔxo s’alinu ɖo Ganato ɔ mɛ. Nu mɔhun zɔn bɔ Buffle FC ɔ xo bɔl’afɔsɔxo gbɛta Aduwana Stars kpodo Ashanti gbɛta kpan ɖo Ganato ɔ mɛ a. Ðo do tɔn mɛ ɔ, bɔl’afɔsɔxo gbɛta nɛ lɛ d’ago ɖokpo ɖokpo ɖɔmɛ nu gbɛta Buffle FC tɔn ɔ. Ye dlɛ ka kpewu lobo d’ago ɖebu domɛ nu gbɛta nɛ lɛ a. Stellia Padonou et Joanita Dahounliton (ISSIC-BÉNIN). Vendredi 02 février 2018 Le Matinal/Fongbé