Gominanti nna gbeiteriyo harukusuyo ba yara ka kube hɔn. Hɔn aruzuma nɔ gominanti nna gominanti gbeiteriyo harukusyo bay a yara ka gɔrɔ ka sawara. Atalata zenɔ hɛnɛɛ, nn dom kube ka faaji, Kutɔnu kuna. Amma, nn dom na hini ka ma cɛrɛsɛ senni fɔyo bɔŋɔ. Ka nn na kummayo di tɛ ka beeni, Noel Chadaré ya na mɛcinɛ nna gominanti gbeiteriyo ma, hanu di. Aa cibayo senni fɔ tiki ka bɔŋɔ nn hini ka ma cɛrɛsɛ nɔ ka gominanti na alkawali za ka a ba gbeiteriyo haciyo bei nn sɛ. Nna di banna, senni ŋmaani ŋmaanin iyye yaa gbeiteriyo harukusuyo di kɔtɔyo. Amma, senni di kulu kuna, senni hinza ya mutu ko gbeiteriyo harukusuyo di kɔtɔyo. Sinte, nn ci nn ba nɔ gominanti ma nn haŋasinɛ Laurent Mètognon tam. Ahinkantɛ, nn ci gominanti ma Patrice Trékpo, sojo harukusu fɔ ka gominanti dom kaa gbei. Ahinzantɛ, nn ci gominanti ma nasara gbeiteriyo handu buyo nɔru tɔntɔnu. Kpeikpaasi Adboulaye Bio Tchané ya na mɛcin za hanu di nna gannakpɛ ma. Hanu di hɛnɛ, Benɛɛ gominanti gbeiteriyo fansayo igbɛ iyyeyo di kulu ceeyo ya kube kummayo di dɔ. Zoulkanel BOUKARI et Abdou-Aziz TEGNAMI (ISSIC-BÉNIN). Vendredi 02 février 2018 Le Matinal/Dendi