Police républicaine sinti a gbeiyo. Nazaire Hounnonkpè, Police républicaine harukusu marigantɛ nna igbɛ taagɔ di gbeiteriyo na kummayo beeri fɔ tɛ Kutɔnu kpaara kuna, bature handu wɔ ŋmɛnɛ jibiri guntɛ hɛnɛ. Nazaire Hounnonkpè cibayo hanu di ka za mansa baa poliisi nna jendamuyo kulu yei afɔ. Deya, nn kulu gbeiyo yei afɔ, domi mɛfɔ nɔ nn bɔrɔ hinkayo di ba cin kpee gbei tɛ, lakari kanniyo ma duwa koo gono Benɛɛ ganna kuna. A ci, cimi nɔ, dom baa polisiyo nna nn jendamuyo do sinka ma cɛrɛ sɛ. Amma, mansa nn hima nɔ nn ma ma cɛrɛ sɛ, Poliisi igbɛ taagɔ ma gbeiyo ma duwa ka kpee mɔɔjinɛ. Nazaire Hounnonkpè ci zama sɛ ka Police nationale gbeidɔ zenɔ ya yei Police républicaine gbeidɔ. Bature jiiri ka a bisa wɔ handu kɔkɔrɔ jibiri waranka cini iyyaakuntɛ hɛnɛ nɔ gannadiyayo na Poliisi Républicaine di wooda za. Boni KOUANDÉ SOUNON et Abdou-Aziz TEGNAMI (ISSIC-BÉNIN). Vendredi 09 février 2018 Le Matinal/Dendi.