N na cinɛyo hanu ŋmaa, bifɔ. N na nya nna baabɛyo cinɛyo hanu ŋmaa, bifɔ alaruba, anduniya mɛ nna a mɛ. Hanu, igbɛ ka a kulayo nna cinɛyo senni ka n’cɛ Réseau national des opérateurs privés pour promotion l’alphabétisation harukusu, Frank Sɛjro na mɛcinɛ za. Aa cibayo ka igbɛ beeri Unesco ya na hanu di siriyani, gannayo ma duwa ka cin nn lakariyo yeti nn cinɛyo ga. Domi, n diya ka cinɛ cɛnɛ fɔyo gono ko bu cinɛ beriyo ganna. A binɛ hima ganna kulu ma guruje ka a cinɛ kɔtɔ. Franck Sɛjroo cibayo kpɛnɛ ka a ŋmɛnɛ igbɛ na deweniyayo siriyani hanu di. A ci n ba kpee laadioyo kuna ka ci zama sɛ anfaniyo ka a gono bɔrɔ nya nna a baabɛ cinɛ tɛyo kuna. A ci, cimi nɔ, gominanti zenɔyo dom nna gbei am duwa ka Benɛɛ ganna cinɛyo za bɔŋɔdɔ. Amma, a hima Patrice Talon gominanti bɔŋɔ ma a lakari yeti cinɛyo mɔɔjinɛkpeyo dɔ kammɛ. Za jiiri dubu hinka afɔ si nɔ Unesco na hanu di disi. Cinɛ weidu cini hinka ya gono Benɛɛ ganna kuna. Zayas et AAAT (ISSIC-BÉNIN).Vendredi 23 février 2018 Le Matinal/Dendi