Petrolin xwe ɔ na bɛ ayihungan s’anzɔwiwa lɛ. Ma lin ma lin mɛ din ɔ ayihungan e ca Benɛto kpodo Nijɛto kpan ɖo kpɔ e na j’azɔ wa ji. Togan Patrice Talon kpo Mahamadou Issoufou togan Nijɛto ɔ tɔn kpan wɛ na gbe Azɔxwe Pétrolin ee nu wɛ Samuel Dossou Aworet ɖe e nu e na gbɛ kan ɖ’azɔwiwa tɔn nu. Kple gban gɔɔ ee togan Afrika gbeji ɔ tɔn lɛ nɔ blo xwewu xwewu e sin yɛkan mɛ wɛ togan we lɛ gbɔn lobo ɖɔ xo xa mɛɖaxo Samuel Dossou Aworet ɖo Etiopito ɔ mɛ ɖ’aklunɔzangbe e mi do gudo e. Nu mɔjɛmɛ mi tɔn ɔ, mi na tinmɛ nu mi ɖ’ali nɛ ɔ wɛ na c’ali pipan tɔn ee gosin Kutɔnu yi Niame ɖo Nijɛto ɔ mɛ e gbɔn Kplaku. Mi na flin mi ɖ’azɔxwe Pétrolin mɛɖaxo Samuel Dossou Aworet tɔn ɔ wɛ ɖ’azɔ lɛ ɖo xwe afͻwo watɔn gɔɔ mɛ. Loɔ, e ɖ’azɔ ɔ te ɖ’adɔn ɖe wa tiin ɖ’azɔxwe Bolore ee nyi mɛɖaxo Vincent Bolloré kpodo Pétrolin xwe ɔ, Samuel Dossou Aworet tɔn, kpan tɛntin. Xo nɛ ɔ wa dɔn ye yi hwɛgun lobɔ Samuel Dossou Aworet, Pétrolin gan ɔ ɖu ɖo Bolore xwe ɔ, Vincent Bolloré tɔn ɔ, ji xwe ee mi do gudo ɔ mɛ. Stellia, Joanita, Ariane, Janvier, Anif, Stéphane, Marceline Stéphanie, Gloria (ISSIC-BÉNIN). Vendredi 02 février 2018 Le Matinal/Fongbé