Asec baalɔn safu na Buffles ŋmaa ahinza nna ahinka. Côte d’Ivoire ganna baalɔn igbɛ ka n’cɛ Asec Mimisas na Benɛɛ baalɔn safu Buffles ŋmaa. Jinde turani hinza nɔ safu di dam Buffles baalɔn igbɛ sɛ. Amma ahinka nɔ Buffles hini ka dam a haŋasinɛ sɛ. Abidjan kpaara baalɔn kariyo dɔ beeri ka n’cɛ Stade Felix Houphouet Boigny kuna nɔ safuyo di kube. Asec nna Buffles kubeyo hinkantɛ nɔ alaruba zenɔ. Buffles barakari Abdel Jalilu nna Julien Agognon ya na jinde turani hinkayo di dam hanu di. Kutɔnu baalɔn kariyo dɔ beeri Stade Général Mathieu Kérékou nɔ safu hinkayo di ceeyo dom kube bature handu wɔ sintiyo. Amma, jinde turani afɔ nna afɔ nɔ safuyo dam. Afrika baalɔn igbɛ beeri Caf ya na garaza di siriyani; Afrika gannayo baalɔn igbɛ sinteyo ma duwa ka garaza. Buffles baalɔn igbɛ bara nɔ Benɛɛ baalɔn igbɛ sinte jiiri 2016 nna 2017 baalɔn garaza hɛnɛ. AAAT et MSF (ISSIC-BÉNIN). Vendredi 23 février 2018 Le Matinal/Dendi